Þorbjörn Ásgeirsson Nýalssinni.

Verður gestur minn í þættinum Fegurð og heilsa kl 15-16 í dag á Útvarpi Sögu FM 99,4 og utvarpsaga.is

Þorbjörn Ásgeirsson, er fæddur 1. ágúst 1939 og uppalinn í Reykjavík, er járniðnaðarmaður og nuddfræðingur að mennt, en hef starfað sem verkamaður, iðnaðarmaður, bóndi, lögreglumaður, sölumaður, nuddari, rithöfundur og skáld. Á heimasíðu Þorbjörns http://simnet.is/lif/ er fyrri hluti bókarinnar Stjörnulíffræði. Sem er um kenningar dr. Helga Pjeturss og hugmyndafræði Þorbjörns Ásgeirssonar. Þar segir

„Eftir því sem ég las meira fór það svo að ég varð Nýalssinni. Ég kannaði kenningar þessar og fór aðrar leiðir en dr. Helgi Pjeturss og komst samt að sömu niðurstöðu og hann. Frá sextán ára aldri taldi ég mig hafa misst trúna á Biblíuna og Jesú Krist vegna þess að ég gat ekki á þeim tíma sætt mig við þá hugmynd að Eva hefði orðið til af rifbeini Adams og að Jesú væri eingetinn. Þessi tvö atriði hrintu mér frá trúnni, að ég taldi. Eftir sem áður hélt ég áfram að biðja bænirnar mínar og geri enn, það var vegna þess að ég fylgdi í raun alltaf hugmyndafræði Jesú Krists. En fyrst eftir að ég varð Nýalssinni kom trúin alls ekki til greina í mínum huga í sambandi við nýalskar hugmyndir, ég vildi einungis nota þá aðferðafræði sem þekking mín náði til. “

Þá verður Valdimar Tómasson eða LjóðaValdi með sitt ljóðahorn.