Útvarpsaga.is

Útvarp Saga FM 99.4 er  vinsæl þessa dagana enda eina frjálsa útvarpsstöðin í landinu. Þar fá öll sjónamið að koma fram. Þátturinn minn Fegurð og heilsa verður í dag milli 15-16 og þar verða góðir gestir .

Þuríður Stefánsdóttir  snyrti-og förðunarfræðingur  sem er að gefa út bókina, Förðun - þín stund,  sem er falleg og efnismikil bók sem kennir okkur öll mikilvægustu leyndarmál förðunar. Bókin er ríkulega myndskreytt, aðgengileg og al-íslensk. Höfundurinn, Þuríður Stefánsdóttir, er athafnasöm ung kona, sem er ekki bara búin að búa til bók, heldur hefur hún einnig hannað eigin förðunarlínu. Ekki missa af þessari hörkuduglegu stelpu sem segir mér allt um leyndardóma fegrunar í dag.

Þá kemur í þáttinn Áshildur Sumarliðadóttir. Hún er lærður hárskeri, reikimeistari og OPJ þerapisti. Einnig hefur Ása sótt fjölda námskeiða tengdum andlegum málum. Þá hefur hún farið á heilunar námskeið í Arthur Findlay College í Bretlandi og tvinnar alla þessa reynslu inn í sína þjónustu.

Förðun hárgreiðsla og heilun athyglisverður þáttur í dag. Verið frjáls og hlustið á Útvarp Sögu