Iðnnám að iðju

Iðnnám að iðju

 

Þegar Landsamband iðnaðarmanna og Félag íslenskra iðnrekanda var sameinað í Samtök iðnaðarins, sögðu fróðir iðnmeistarar að næsta skrefið væri að iðnnám yrði að iðju. Ekki lengur iðnmeistarar og sveinar heldur iðnverkamenn. Lægra menntunarstig og lægri laun.

Samtök iðnaðarins hafa unnuð vel að því undanfarin ár að ná þessu takmarki sínu. Þeir hafa núna með aðstoð ríkisvaldsins náð fullanaðar sigri. Þeir hafa náð Iðnskólanum í Reykjavík á sitt vald og nú hefst niðurskurðurinn. Verkmenntun á Íslandi hefur verið á hraðri niðurleið undanfarinn ár. Um er að kenna sinnuleysi ríkisvaldsins sem leggur ofuráherslu á bóknám og sveltir verkmenntun fjárhagslega. Verkmenntun er dýrari en bóknám og því liggur hún vel við höggi í niðurskurði yfirvalda. Þá er menntunar krafa ríkisvaldsins öll á svig með bóknámi. Þeir sem vinna í Menntamálaráðuðuneitinu verða að hafa háskólapróf til að fjalla um iðnmenntun. Það var sú tíðin að iðnfræðsluráð var með átta mans í vinnu til að sjá um fræðslumál iðnaðarins og þar voru fulltrúar iðnsveina og iðmeistara í forsvari. Nú er bara einn háskólamenntaður maður sem sér um þennan málaflokk. Iðnmeistarar og sveinar hafa engin áhrif lengur á nám sitt. Það er yfirlýst stefna hjá Samtökum iðnaðarins að leggja beri niður meistaraskóla í þjónustugreinum og þeir hafa fengið ríkisvaldið í lið með sér. Síðan ég byrjaði í iðnnámi 1970 hefur það verið stefna meistara- og sveinafélaga að bæta menntun iðnaðarmanna hér á landi og að verkmenntun skuli vera hér með því sem best er í heiminum. Því miður hefur henni farið aftur eða hún staðið í stað undanfarin ár.

Íslenskt þjóðfélag hefur ekki efna á því að minka námskröfur til iðnaðarmanna og gjaldfella nám þeirra sem hafa iðnmeistararéttindi. Afnám iðnmenntunar og að færa það niður á iðjustig, með fullri virðingu fyrir iðnverkamönnum, verður ekki til góðs fyrir þjóðfélagið. Bretar hafa nú þegar brennt sig illa á flæði iðnverkamanna frá austur Evrópu og eru í vandræðum núna vegna vöntunar á iðnlærðum. Það hefði átt að verða okkur víti til varnaðar en er ekki.

Ég óska Samtökum iðnaðarins til hamingju með að hafa náð takmarki sínu. Í framtíðinni verður iðnmeistari og sveinn iðntæknir með lágmarks þekkingu á iðn sinni.

Athugasemdir

[Jón Ólafur Vilhjálmsson, 22.11.2008 kl. 10:30]

Þetta er góður pistill hjá þér ég er nokkuð sammála þér það má ekki gjaldfella iðnnám alls ekki og það þarf líka að auka og efla meistaraskólann hann ætti að taka til allra iðngreina og í honum á að vera meira framhald á iðnnáminu ekki upprifjun eins og að alltof mikið er um ég vil sjá meistaraskólann á tveim jafnvel þrem  sviðum það er á faglega þættinum og lagaga og reglugerða þætti þá þarf að koma annað stig sem er stjórnunar þáttur sem tekið er á mannlegum þáttum skipulagningu lögum og rétti þeirra sem bera ábyrgð gagnvar öryggiskröfum bóta kröfum varðandi ábyrgð á lífi og limum og einnig varðandi göllum í framleiðslu þá er þriðja stigið sem er gæðastjórnun þá eru allir fyrri þættirnir komnir saman og þeir teknir út úr og lagt áhersla á það sem tilheyrir flottu iðnfyrirtæki með gæðastefnu og allt í því sem best gerist.