Fegurð og heilsa á Útvarpi Sögu

Í þættinum Fegurð og heilsa á Útvarpi Sögu klukkan 14 í dag verður Eygló Þorgeirsdóttir snyrtifræðingur og græðari, verður gestur minn. Eygló  er félagi í Bandalag íslenskra græðara (BíG ) sem er tíu ára um þessar mundir Í tengslum við 10 ára afmæli BÍG verða kennd örnámskeið og haldin ráðstefna um ýmislegt sem viðkemur heilsu helgina 3.- 5. september 2010 á Grand Hótel Reykjavík. Eygló mun segja okkur allt um hvað þýðir að vera græðari. Hversu meðvitaður ertu um líkama og sál  og hvað veistu um orsakir og afleiðingar þess sem þú ert í dag. Hvar er uppruninn og hver er afleiðingin. Fræðandi og skemmtilegur þáttur sem engin má láta framhjá sér fara.  Hægt er að hlusta á www.utvarpsaga.is  og FM 99,4

Klukkan 15 verður síðan gestur minn Rósa Þorvaldsdóttir í Snyrtimiðstöðin Lancome sem er ein af elstu og jafnframt glæsilegustu snyrtistofum landsins. Snyrtimiðstöðin á afmæli í dag en Rósa (ásamt Elísabetu Magnúsdóttur) stofnaði snyrtistofuna 25. ágúst 1979 og hefur starfað óslitið við hana síðan. Í upphafi hét stofan FEGRUN og var til húsa í Búðargerði 12. Árið 1998 sameinuðust FEGRUN og Snyrtistofa Halldóru í húsnæði Kringlunni 7, í Húsi Verzlunarinnar og breyttu nöfnunum í SNYRTIMIÐSTÖÐINA LANCOME sem er bein þýðing úr Le centre de beauty Lancome. Báðir eigendur höfðu farið til Parísar í skóla og fengu svokallað “francise” leyfi og mega því nota Lancome nafnið. Þær  á Snyrtimiðstöðinni Lancome hafa ávallt lagt sig fram við að vera fyrsta flokks snyrti-, nudd-, og fótaaðgerðastofa . Hvort sem það er í fagmennsku, aðstöðu, tækni, eða vörum, þessir þættir eru í stöðugri endurnýjun.

Fróðlegur þáttur frá 14 til 16 á Útvarpi Sögu í dag.