Hafið þér hægðir frú Norma.

 Ég rek hársnyrtistofu við Hlemmtorg og hef gert í 13 ár. Ég hef aldrei séð borgarfulltrúa hér enda taka þeir ekki strætó. Nú eru að koma kosningar og þá fara þeir að hæla sér af sínum góðu verkum.

Við Hlemmtorg er aðalmiðstöð Strætisvagna Reykjavíkur. Þar stoppa tugir vagna á hverjum klukkutíma. Sumir farþegar þurfa oft að vera í vagninum í 50 mín eða lengur. Það er eins gott að þessu fólki verði ekki brátt í brók, því á Hlemmi er bara einn útikamar (líklega í 19 aldar stíl) og síðan er ekki annað almenningssalerni fyrr en í Bankastræti.  Það eru orðin fimm ár eða meira síðan salernisaðstöðu var lokað inni á biðstöðinn. Síðan þá hef ég marg oft sent kvörtun til borgarfulltrúa og ekki fengið neitt svar.Mæður með ungabörn hafa komið á stofuna til mín til að fá að skipta á börnum sínum, börn og fullorðnir í spreng vegna þess að kamarinn annar ekki eftirspurn eða fólk á ekki smáaura til að borga fyrir kamarinn.  Það væri gaman að vita hvort háttvirtir borgarfulltrúar hefðu ekki hægðir eins og annað fólk.Eða er normið eitthvað annað hjá þeim.P.S.  Fyrir alla muni hættið að tala niður miðborg Reykjavíkur og kalla hana borg óttans og öðrum  ljótum nöfnum. Ég er búinn að vinna og reka fyrirtæki í Reykjavík í 40 ár og ætlast til þess að þið talið með virðingu um borgina sem þið vinnið fyrir. 

Athugasemdir

[Lovísa (IP-tala skráð) 28.4.2010 kl. 12:49]

Vildi bara benda á að það er búið að loka salernisaðstöðunni í Bankastræti fyrir þó nokkuð löngu og sömuleiðis þeirri á Vesturgötu 7. kv. Lovísa